مساء الخير
هبدأ هذا الموضوع بشوية معلومات عامة عن
اللغة القبطية
قبل البدء في الدخول في اعماق اللغة
اولا كلمة قبطي تعني مصري وليست مسيحي واللغة
القبطية تعبير غير دقيق زيه زي
اللغة الهيروغليفيه والهيرطيقيه والاصح ان احنا نقول
اللغة المصريه الخط القبطي
ليه؟
ببساطة لان
اللغة واحدة لكن الحروف المستخدمة مختلفة
نشأة الخط القبطي
في بداية حكم اليونان لمصر فرض المستعمر كأي مستعمر لغته فانتشرت
اللغة اليونانية
وكانت عاملة زي الانجليزي في وقتنا الحالى
وكان المصريين يكتبون بالحروف القديمة وديه صعبة شوية(بصراحة جدا) ونتيجة لاستمرار حكم اليونان وتعاقب ارومان لقى المصريين ان الحروف اليونانية اسهل وتعبر عن الاصوات بشكل اسهل
من الكتابة المصرية القديمة فبدأ يكتب لغته بالحروف اليونانية
وعمل حاجة كده زي الفرانكوعربي كده
وفي الاول مكنتش
اللغة ثابتة او نظام كتابة الحروف ثابت
وكانت الحروف تكتب بطريقة مختلفة ويسمي العلماء المرحلة ديه القبطي القديم او البروتوقبطي
استعار المصريين سبعة حروف ديموطيقية لتعبر عن اصوات مش موجودة في اليوناني
وهي حرف شاي فاي خاي هوري جنجا تشيما دي
طبعا فيه سؤال ممكن حد يساله اللي هوه اليوناني فيه صوت الشين و الفاء والخا اللي استعروهم
المصرين من الديموطيقي طب ليه اصلا استعاروهم؟؟؟
الاجابة ببساطة لان بعض الحروف اليونانية لهااصوات مزدوجة يعني مثلا الفي ممكن تنطق به وممكن تنطق فه لكن الديموطيقي الفاي له نطق واحد فا فقط
بالنسبة لحرف الجنجا هو حرف قريب من الجيم المعطشة والدال ولا يوجد مقابله في العربي
و انا ملقتشي حد ينطقه صح لغاية دلوقتي غير الفنان محمد منير
اما حرف الهوري فهو ينطق ها او حا وحسب التقليد القبطي توجد كلمتان بس ينطق فيها ح
وهي طوبح=اطلب حالوم=جبنة وغير كده مش معروف والحروف ده شوية عليه كلام من علماء
اللغة علشان فيه ناس ترجح دخول صوت الحه من اللغات السامية وفيه ناس تقول ان صوت الحه صوت اصيل وده ممكن نفتح ليه موضوع لوحده
نكمل بعدين
lr]lm td hggym hgrf'dm hggym
مقدمة في اللغة القبطية
العرض العادي
