هل كنت مستعد للمقابلة ؟ - منتديات علماء الآثار

#1 07-28-2010, 04:35 PM

بسم الله الرحمن الرحيم

قبل يوم من كتابتى للموضوع دا كنت فى القاهرة بقضى يوم كده مع أصحابى _ وعلى فكرة كان منهم mr. ibrahim _ ،
المهم بعد ما خلصنا يومنا افترقنا عشان كل واحد يرجع بلده ، ركبت انا " ميكروباص " للعريش وف نص الطريق الميكروباص اتقلب بينا وطبعا مش هحكيلكم التفاصيل لأنو كان عباره عن حلم بس لكم ان تتخيلو الصويت اللى حصل خصوصا انو كان معانا اطفال وبنات وستات ، بس الحمد لله الحمد لله محدش حصلو حاجه مجرد كدمات- بس الميكروباص ادشدش طبعا - واهم حاجه الاطفال محصلهمش حاجه الحمد لله .
طبعا الموضوع دا بيحصل كل يوم تقريبا ع الطرق بس الاختلاف دايما بيبقه ف مدى الاصابات او لا قدر الله وجود موتى .
المهم ؛ السؤال اللى أنا سألته لنفسى وانا بتقلب _ طبعا بعد ما اتشهدت _ هل انا مستعد لمقابلة ربنا ؟
* اديت كل صلواتك ؟
* زكاتك ‘ صيامك ، عبادتك ، اذكارك ؟
* معاملتك مع الناس عامله ايه ؟
* عملت حاجه لدينك ؟
* نصرت رسولك - عليه الصلاة والسلام - مع كل الاهانات دى ؟
*تعليمك اللى انت اتعلمته دا ، عشان مين ؟ عملت بيه ايه ؟

وطبعا أسئله كتير ، بس انا مش هرد عليها هنا لأن كل واحد فينا المفروض يرد عليها بس بينو وبين ربنا ، لأن الموقف اللى حصلى دا اكيد حصل لناس كتير وممكن يحصل لأى حد وف اى وقت - ربنا يحفظكو جميعا - .
عشان كده كل واحد فينا لازم يسأل نفسه ........

هل أنا مستعد لمقابلة اللة -عز وجل- ؟

حفظكم الله جميعاً

المصدر: منتديات علماء الآثار | Forums archaeologists - من قسم: إســــلامـيــــــــــــات

ig ;kj lsju] gglrhfgm ?

07-28-2010, 08:10 PM

الله موضوع رائع والله
وحمد لله علي سلامتك يا ليو

ولازم كل واحد يسأل نفسه فعلا السؤال ده عشان محدش عارف هيعيش لامتي وامتي هيقابل وجه الكريم

07-28-2010, 10:36 PM

أولاً / ألف حمد الله علي سلامتك ياليو والحمد لله إنها جت سليمة
ثانياً / معاك حق إننا من فترة للتانية نراجع نفسنا ونقف وقفة معاها وربنا يرزقنا كلنا حسن الختام
ألف شكر ليك ياليو للتذكير

( وَذَكِّرْ فَإِنَّ الذِّكْرَى تَنفَعُ الْمُؤْمِنِينَ )
سورة الذاريات الآية 55